Институциите, науката, одгледувачите и НВО дебатираа за предлг измените на Законот за благосостојба
- Вторник, 22 Јануари 2019 13:10
“Решавањето на проблемот со бездомните животни бара мултисекторски пристап и соработка меѓу институциите на системот, невладините организации и локалните самоуправи и налага преземање на законски дефинирани мерки и спроведување на активности со кои конечно ќе се стави ред и ќе се реши овој децениски проблем. Предложените измени на Законот за заштита и благосостојба се во насока на подобрување на одговорното сопствеништво на домашните миленици, со цел намалување на бројот на бездомни кучиња”. Ова на трибината посветена на предложените измени и дополнувања на Законот за заштита и благосостојба на животните, која вчера се одржа на Факултетот за ветеринарна медицина го истакна директорот на Агенција за храна и ветеринарство Зоран Атанасов.
Објавена Годишната наредба за здравствена заштита на животните за 2019 година
- Петок, 18 Јануари 2019 15:23
Агенцијата за храна и ветеринарство ја донесе Годишната Наредба за здравствена заштита на животните за 2019 година, во која се содржани активностите од јавен интерес од областа на здравствената заштита на животните. Со цел обезбедување на повисоки стандарди за здравствена заштита на животните и заштита на јавното здравје, со Наредбата, дефинирани се превентивните и заштитните мерки и активности за контрола, надзор и искоренување на болестите кај животните кои годинава ќе ги спроведе Агенцијата за храна и ветеринарство, а за што се предвидени 337.260.000 милиони денари од буџетот на Република Македонија.
За прв пат годинава, Агенцијата ќе покрива 50 проценти од трошоците за вакцинација на сите овци и кози против Eнтеротоксемија како задолжителна мерка која треба да ја спроведат ветеринарните друштва и која до оваа година беше на трошок на одгледувачите на добиток. Покрај против оваа болест, годинава, овците и козите ќе се вакцинираат и против Бруцелоза и Антракс (таму каде има воспоставено дистрикти на оваа болест). За заштита од заразни болести копитарите ќе се вакцинираат против Антракс и ќе се врши земање на примероци за Инфективна анемија кај копитарите, а ќе се спроведе и мониторинг на болеста Западно нилска треска со лабораториско испитување на мостри.
Повеќе: Објавена Годишната наредба за здравствена заштита на животните за 2019 година
Директорот Атанасов одржа состанок со неформалната „Коалиција против ГМО“
- Четврток, 17 Јануари 2019 13:09
Директорот на Агенција за храна и ветеринарство Зоран Атанасов одржа работен состанок со претставници од неформалната група „Коалиција против ГМО“ на кој се разговараше за најавените измени во Законот за безбедност на храната за регулирање на трговијата со производите кои содржат ГМО. Од страна на директорот Атанасов на претставниците на оваа неформална група презентирани им беа надлежностите на Агенцијата за храна и ветеринарство во делот на ГМО храната, како и основите за регулирање на производството и одредбите за заштита на животната средина кои се во надлежност на други државни институции.
Повеќе: Директорот Атанасов одржа состанок со неформалната „Коалиција против ГМО“
АХВ и српската Ветеринарна управа ја продлабочуваат соработката
- Четврток, 17 Јануари 2019 14:22
Македонската Агенција за храна и ветеринарство ќе и помогне на српската Ветеринарна управа во изработката на анализата на ризик и на Планот за земање на мостри на граничните премини. Ова е договорено на денешниот билатерален состанок меѓу директорот на Агенцијата за храна и ветеринарство на Република Македонија Зоран Атанасов и неговата колешка Емина Милакара, директор на Ветеринарна управа при Министерството за земјоделство на Република Србија, кој денес се одржа во Белград.
На состанокот се разговараше и за исполнувањето на условите за непречен увоз и извоз на јајца во двете земји, како и за тоа кои се моменталните бариери со кои се соочуваат македонските компании од земјоделско - прехранбениот сектор, особено оние кои извезуваат храна од животинско потекло од Република Македонија. Предложени беа решенија за надминување на овој тип проблеми во трговијата со храна меѓу двете земји, кои наскоро ќе бидат и официјализирани меѓу институциите од Македонија и Србија.
Повеќе: АХВ и српската Ветеринарна управа ја продлабочуваат соработката
Објавени мониторинг програмите за безбедност на храната и храната за животни
- Понеделник, 14 Јануари 2019 15:50
Со цел обезбедување на висок степен на заштита на здравјето на луѓето, Агенцијата за храна и ветеринарство донесе пакет програми за мониторинг на безбедност на храна и храната за животни за 2019 година. Објавени се Програмата за мониторинг на безбедност на храната во Република Македонија за 2019 година,Програма за користење на средствата за ветеринарно јавно здравство во 2019 година, Програма за контрола и превентива на одделни физички,хемиски и биолпшки опасности во определени видови или категории храна за 2019 година, и Програма за мониторинг за безбедност на храна за животни за 2019 година. За реализација на овие програми предвидени се вкупно повеќе од 50 милиони денари.Целта на програмите е континуирано следење и правовремено превентивно откривање и одредување на ризици по здравјето на луѓето, заштитата на животните и животната средина низ целиот синџир на безбедност на храната. Мониторингот на безбедноста ќе се спроведува на различни видови или категории храна и во однос на различни параметри, кои претставуваат критериуми за безбедноста на храната, но, и во другите фази од интегрираниот синџир.
Со програмите се одредува присуството и концентрациите на контаминентите во храната, се утврдува присуство на резидуи од пестициди во и на храната, миграцијата на одделни супстанции од материјалите и производите што доаѓаат во контакт со храната, мониторирање можно присуство на ГМО-храна, микробиолошки критериуми и други опасности во храната, како и евалуација на нивното влијание врз здравјето на човекот.
Повеќе: Објавени мониторинг програмите за безбедност на храната и храната за животни
