Нема небезбедно пилешко месо на македонскиот пазар
- Вторник, 03 Јули 2018 16:14
Како контакт точка на Системот за брзо предупредување за небезбедна храна и храна за животни на Европската унија, Агенцијата за храна и ветеринарство досега нема добиено нотификација за пласирано небезбедно пилешко месо по потекло од Бразил во Република Македонија.
Од вкупно увезените 14.010.681 килограми пилешко месо од Полска, Хрватска, Словенија, Бразил, Бугарија, Германија, Грција и Србија и други земји, оваа година, заклучно со јуни, од Бразил се увезени вкупно 3.391.011 килограми.
Воведени мерки за спречување на ширење на болеста Чума кај мали преживари
- Понеделник, 02 Јули 2018 14:58
Со цел спречување на внесување, навремено забележување и пријавување на болеста Чума кај мали преживари, која од 22 јуни годинава е потврдена и во соседна Бугарија, а во земјите од регионот присутна е и во Турција, Агенцијата за храна и ветеринарство донесе Решение за забрана за увоз и транзит на живи домашни и диви мали преживари, семе, јајце клетки и емброни од домашни и диви мали преживари, месо од домашни и диви мали праживари, производи и преработки од месо од домашни и диви мали преживари, млеко и производи од млеко од домашни и диви мали преживари, како и нуспроизводи од домашни и диви мали преживари во Република Македонија од Република Бугарија како и мерки за брза реакција и успешно справување при евентуална појава на болеста и кај нас.
Повеќе: Воведени мерки за спречување на ширење на болеста Чума кај мали преживари
Одржан вториот состанок на Националниот совет за безбедност на храната
- Петок, 22 Јуни 2018 16:00
Директорот на Агенција за храна и ветеринарство Зоран Атанасов во својство на претседавач и членовите на Националниот совет за безбедност на храната и храната за животни го одржаа вториот состанок на ова тело кое обезбедува научна и техничка поддршка во работата на Агенцијата.
На состанокот беа разгледани три актуелни теми во европски и светски рамки – има или не и колкав е ризикот од употребата на инсектицидот Фипринил, секогаш актуелната тема за ГМО храната, за која науката, институциите и бизнис секторот треба да отворат широка дебата, како и темата која од година во година станува се поактуелна, а која непосредно сеоднесува и ги засега и луѓето и животните – антимикробната резистентност.
Повеќе: Одржан вториот состанок на Националниот совет за безбедност на храната
Објавен оглас за избор на надворешни членови во Комисијата за ВМП
- Понеделник, 02 Јули 2018 14:42
Врз основа на член 6 став (1) и (2) од Законот за ветеринарно – медицински препарати (“Службен весник на Република Македонија” бр. 42/10, 136/11, 149/15 и 53/16), Агенцијата за храна и ветеринарство на Република Македонија објави оглас за прибирање понуди за избор на надворешни членови во Комисијата за ветеринарно медицински препарати.Опасноста од птичји грип помала, но, сѐ уште актуелна
- Понеделник, 18 Јуни 2018 10:36
При крај е процесот на миграција на птиците преселници, но, се уште постои опасност од пренесување на вирусот на болеста Авијарна инфлуенца (Птичји грип), која е присутна во регионот. На сила остануваат воведените забрани за увоз на жива живина, производи и нус производи од живина од регионите каде во соседна Бугарија каде кон крајот на минатиот месец беше потврдено последното позитивно жариште на болеста, како и забраните за увоз од неколку европски земји.
Со цел спречување на евентуална појава и ширење на вирусот на болеста Птичји грип во земјава апелираме до одгледувачите на живина ( комерцијалните одгледувачи и домаќинствата) на високо ниво да се одржуваат биосигурносните мерки на фармите.
Повеќе: Опасноста од птичји грип помала, но, сѐ уште актуелна
