ВМП Вовед
- Петок, 13 Декември 2013 09:42
Согласно Законот за ветеринарно медицински препарати Агенцијата за храна и ветеринарство ги одредува условите и постапките за одобрување за ставање во промет, производство, увоз, поседување, промет, употреба и контрола на ветеринарно-медицинските препарати, фармаколошки активните супстанции кои се користат како суровини, како и одредени супстанции кои може да се користат како ветеринарно-медицински препарати, а кои имаат анаболички, антиинфективни, антипаразитарни, антиинфламаторни, хормонални или психотропни особини и на премиксите за медицирана добиточна храна, наменети за ставање во промет и приготвени индустриски или со метод кој вклучува индустриски процес. Со законот се уредуваат и правилата за производството, контролата и прегледите на хомеопатските ветеринарни препарати се обезбеди посебна, поедноставена постапка за регистрација за традиционалните хомеопатски препарати кои се стават во промет без терапевтски индикации во фармацевтски облик и дозирање кои не претставуваат ризик за животните.
Поблиските услови за ставање во промет, производство, увоз, поседување, промет, употреба и контрола на ветеринарно-медицинските препарати се уредени со: Законот за ветеринарно медицински препарати како и подзаконските акти кои произлегуваат од истиот.
Со Законот за ветеринарно медицински препарати се изврши усогласување на националното законодавство со стандардите дефинирани во Европското законодавство во најголем дел преку усогласување со Директивата 2001/82/ЕК на Европскиот Парламент и на Советот од 6 Ноември 2001 година за Кодекс во однос на ветеринарно-медицинските препарати на Заедницата (32001L0082);
ЦЕЛИ Примарна цел на законот е уредување на производство и прометот со ветеринарно медицинските препарати пред се од апсект на заштита на јавното здравство, но истовремено воспоставување механизми и постапки кои нема да пречат во индустрискиот развој и трговијата со ветеринарно медицинските препарати.
Со законот се воведува и принципот на забрана на употреба на одредени препарати кај одредени видови животни, како и соодветен систем на контрола на употребата и се дефинираат одговорностите на поедини субјекти.
ВОДИЧИ:
-Водич за системот за ветеринарно фармаколошка внимателност (Фармаковигиланца)
-Водич за одговорна употреба на антимикробните средства во ветеринарната медицина
