arhiva.fva.gov.mk

ЕФСА

Вторник, 03 Декември 2013 11:48

Информација за научна конференција организирана од страна ан ЕФСА
Ве информираме дека Европската Агенција за безбедност на храна- ЕФСА објави повик за абстракти и ја отвори регистрацијата за учество за втората научна конференција „Shaping the Future of Food Safety, Together” која ќе се одржи во Милано на 14-16.10.2015година.
Се покануваат претставници од научната и заедницата за проценка на ризик, како и менаџери за ризик и комуникација на ризик од и надвор од Европа, да се регистрираат онлајн за да учествуваат на овој значен настан организиран од страна на ЕФСА во склоп на World EXPO 2015, на кој храната е централната тема.
Конференцијата ќе се фокусира на две главни теми – Наука за проценка, и Наука, иновации и општество и ќе биде поделена на пленарни и кратки сесии. Кратките сесии ќе се фокусираат на следниве теми:
• Отворена проценка на ризик;
• Податоци: ко-создавање на додадена вредност;
• Клучни предизвици во давање на научни совети – мерење на доказите и оценување на несигурностите;
• Идни предизвици во нутриционизмот;
• Пристапи во карактеризација на нови хемиски опасности;
• Микробиолошка проценка на ризик – предизвици и можности;
• Двигатели за нови итни теми од здравјето на животните и растенијата – глобалната исхрана во ризик;
• Унапредување на проценката на ризикот за животната средина;
• Експертиза за во иднината.
Повик за абстракти наменети за постер сесиите
Научниците исто така сe поканети да поднесат абстракти за постер сесиите. Особено, научници и истражувачи кои се на почеток на нивната кариера се поканети да поднесат абстракти со кои ќе ја презентираат нивната работа која е поврзана со темите на конференцијата. Прифатените абстракти ќе се објават во EFSA Journal Supplement и постерот ќе се презентира на самата конференција за време на постер сесиите. Абстрактите за постер сесиите треба да се поднесат најкасно до 03.04.2015 година, преку веб страната на конференцијата.
Иницијатива за млади истражувачи
За да им се помогне на истражувачи кои се на почеток на нивната кариера да учествуваат на конференцијата, ЕФСА нуди финансиска помош за патување и смештај за одреден број на прифатени абстракти. Повеќе информации за оваа иницијатива може да се најдат на веб страната на конференцијата.
За да ги видете последните новости, ве молиме континуирано да посетувате веб страната на конференцијата. Исто така можете да не следите на Твитер на ЕФСА (#EFSAExpo2015), на Youtube каналот на ЕФСА и на LinkedIn.

Претпристапна програма на Европската агенција за безбедност на храна- ЕФСА

Во рамките на Инструментот за претпристапна помош ИПА, Европската Агенција за безбедност на храната-ЕФСА спроведува активност во Република Македонија насловена како „Подготвителни мерки за учество на земјите со кандидатски статус и земјите со потенцијален кандидатски статус во ЕФСА“, финансирана од Европската Комисија.

Агенцијата за храна и ветеринарство е контакт тело одговорно за спроведување на програмата, а Директорот Дејан Рунтевски е национален координатор на програмата.

Целите на претпристапната програма се:
• да се подготват надлежните тела во земјите кориснички активни во областа на работа на ЕФСА, Европската Комисија и Земјите членки во нивното идно учество во мрежите на ЕФСА,
• да се помогне во воспоставувањето на системи за комуникација и размена на информации кои ќе го олеснат идното учество на земји кандидатки и потенцијални кандидатки за членство во мрежите на ЕФСА,
• да се пренесе знаење за методолигиите кои се употребуваат во областите на работа на ЕФСА, посебно во однос на проценката на ризикот и прибирањето на податоците,
• да се поддржат земјите кориснички во нивните активности за комуникацијата поврзана со проценката на ризикот.

Проектните активности во рамките на претпристапната програма помагаат во зајакнување на напорите на компетентните институции во замјите кориснички на програмата за подобро разбирање на основните елементи во европскиот систем за безбедност на храната, а со тоа и да се интегрираат поефикасно во работата на ЕФСА пред и после пристапувањето во Европската Унија.
На следниот линк http://www.efsa.europa.eu/en/networks/euenlargement.htm можете да најдете повеќе информации за програмата на ЕФСА.