РЕГИСТРИРАЊЕ НА ОБЈЕКТИ И ОПЕРАТОРИ СО ХРАНА ОД ЖИВОТИНСКО ПОТЕКЛО
- Сабота, 30 Ноември 2013 10:47
Согласно Законот за безбедност на храната
Операторот со храна во однос на регистрацијата, мора да ја информира Агенцијата, за секој објект под негова контрола во којшто се извршува која било фаза од производство, преработка и дистрибуција на храната.
Операторите со храна мора да обезбедат Агенцијата да има ажурирани информации за објектите под негова контрола, вклучувајќи и известување за секоја значителна промена во активностите и секое затворање на постојните објекти.
Агенцијата води регистар на операторите со храна и објектите кои вршат:
1) која било фаза од производство, обработка и дистрибуција на храна од животинско потекло;
2) примарно производство;
3) транспортирање;
4) складирање на производи кои не бараат температурно контролирани услови за складирање и
5) малопродажни постапки кои се состојат само од складирање или транспорт, во кој случај сепак ќе се применат посебните температурни услови, или снабдувањето со храната од објекти за малопродажба до други објекти со маргинална, локализирана и ограничена активност.
Операторите со храна поднесуваат барање за регистрација до Агенцијата.
При спроведување на официјалните контроли на објектите, Агенцијата врши увид и ги споредува податоците од регистрацијата со фактичката состојба во објектите.
Постапката на регистрација започнува со поднесување на барање од страна на операторот со храна до АХВ. Моделот на барање со потребна придружна документација кон барањето за регистрирање на објект се дадени во модел на барање за регистрација.
Превземи модел на барање
