arhiva.fva.gov.mk

Храна за посебна нутритивна употреба

Четврток, 29 Август 2013 11:35

Храна за посебна нутритивна употреба е храна која според својот состав или производствен процес јасно се разликува од храната наменета за нормална употреба, одговара на посочените нутритивни цели и се пушта на пазарот на начин со кој се укажува на соодветноста со посочените нутритивни цели. 

Во групата храна за посебна нутритивна употреба припаѓаат  следниве видови храна:

1. Млечна храна за доенчиња 

• почетна формула за доенчиња е храна наменета за посебна нутритивна употреба од страна на доенчињата во првите месеци од животот која што ги задоволува нутритивните барања на доенчињата до воведувањето на соодветна дополнителна храна;
• последователната формула за доенчиња е храна наменета за посебна нутритивна употреба од страна на доенчиња кога се воведува соодветно прихранување и којашто претставува главен течен елемент во воведувањето разновидна исхрана на доенчињата;

2. Преработена храна на житна основа и детска храна за доенчиња и мали деца

• едноставни жита кои се или треба да бидат растворени со млеко или друга соодветна хранлива течност;
• жита со додаден производ со висок процент на протеини кои се или треба да бидат растворени со вода или друга течност, што не содржи протеини;
• тестенини, кои се употребуваат откако ќе се подготват со варење во вода или друга соодветна течност и
• двопек и бисквити, кои се употребуваат директно или после пулверизација и додавање на вода, млеко или друга соодветна хранлива течност;
• детска храна е храна која не е  преработена храна на житна основа.

3. Диететска храна за посебни медицински намени 

• Диететска храна за посебни медицински намени“ е категорија на храна за посебна нутритивна употреба преработена посебно или е со посебен состав и е наменета за диететска исхрана на болните и се употребува под медицински надзор. Таа е наменета за целосно или делумно хранење на болни со ограничена, ослабната и нарушена способност за земање, варење, апсорбирање, преработување или излачување на обични прехранбени производи или одредени хранливи состојки, содржани во нив или метаболити, или со други медицински одредени потреби за исхрана, кај кои не може да се постигне диететски режим само со прилагодување на нормална диета, со друга храна за посебна нутритивна употреба или со комбинација на двете храни.

4. Храна наменета за користење во диети со ограничена енергетска вредност со цел намалување на телесната тежина

• Храната што е наменета да се користи во диети со ограничена енергетска вредност за цели на намалување на телесната тежина  е  храна  со  специфичен  состав  која,  доколку  се  користи  според упатставата  дадени  од  производителот  целосно  или  делумно  ги  заменува  севкупните дневни оброци. 
• Храната со ограничена енергетска вредност се дели на две категории: 

a) храна којашто е презентирана како целосна замена на дневните оброци; 

б) храна којашто е презентирана како замена за еден или повеќе дневни оброци.

5. Прехранбени производи за лица нетолерантни на глутен 

• Прехранбени производи за лица нетолерантни на глутен се прехранбени производи за посебна нутритивна употреба специјално произведени, подготвени и/или преработени со цел да ги исполнат посебните диететски потреби на луѓето нетолерантни на глутен. 

6. Храна за интензивен мускулен напор (храна за спортисти)

7. Храна за дијабетичари